Hajjatul wida k mauqe par

 *A'oozu Billahi Minash Shaitwanir Rajeem*

*Bismillahir Rahmanir Raheem*

✨ *Tajalliyat e Nubuwwat* ✨

Topic - Khutba e Hajjatul Wida

Ye sarwar e  Kaaynaat *Rasool Allah salallahu alaihi wassallam* ka akhri khutbah tha,jo 10 hijri zilhajj ko logon ke beech khade ho kar dia

Ye 1,25000 ka majma  tha.
Ye insani huqooq ka sabse ja'ame (comprehensive ) charter hai, ek azeem tareen khutbah tha tareeqe islami ka.
Huzoor ne is khutbe mein apni taalim at ke ehem  nuqaat ko dohraya.
               *Khutbah*
Humare Nabi sallallaho alehi wasallam ne farmaya
*Logon! Meri baat suno ! Mujhe nahi maloom ghaliban  mein tumse is saal k baad is muqaam par kabhi na mil sakunga.

Tumhare khoon tumhare maal,tumhari abroo ek dusre per usi tarah haraam hai jis tarah aaj k din ki maujooda  mahine ki ,mojooda  sheher ki hurmat hai.

Sun lo! Jaahiliyat ki har cheez mere paon  tale rondi gayi hai.

jaahiliyat ke *khoon* bhi khatam kar diye gaye aur humare khoon mein se pehla khun jise mein maaf kar raha hun wo Rabiya bin haris k bete ka khun hai.

Aur jaahiliyat ka *sood khatam* kar diya gaya hai aur hamare sood mein se pehla sood jo mein khatam kar raha hoon wo Abbas bin Abdul Mutallib ka sood hai.Ab ye saare ka sara sood khatam hai.

Haan ! *Aurton ke baare mein Allah se daro* kyunki tumne unhe Allah ki Amaan k sath liya hai.Ur Allah ke kalme ke zariye unko halaal kiya hai.

Un par tumhara haq ye hai ki *wo tumhare bistar par kisi aur ko aane na dein .jo tumhe gawara nahi* agar wo aisa karein to tum unhe maar sakte ho lekin sakht maar na marna.
aur tum par *unka haq ye hai ki tum unhe maroof tareeqe se khilao aur pehnao*.

Aur mein tum mein aisi cheez chode ja raha hun ki agar tumne use mazbooti  se pakde rakha to uske baad haragiz gumraah na honge wo hai *ALLAH KI KITAB* .

aur tumse mere Mutalliq poocha jayega to kya kahoge?

*Sahaba ne kaha - Hum shahadat dein ge,ki Aap ne tableegh kar di
Paegham  pahoncha diya,khayr khwahi ka haq ada kar diya.*

Ye sun kar aapne shahadat ki ungli aasman ki taraf uthate aur logon ki taraf jhukate hue farmaya.

*Ae Allah gawah rah! Ae Allah gawah rah! Ae Allah gawah rah!*

Is Khutbe mein Aapne aur bhi amoor bataye aur jab faarigh hue to Allah tala ka irshaad nazil hua.

*Aaj mene tumhare liye tumhara deen mukammal kar diya aur tum par apni nemat poori kar di aur tumhare liye Islam ko ba hasiyat deen pasand kar liya*
Chunanche ye Nemat aur saadat ka din tha.

Khutbe k baal hazrat Bilal r .a ne azaan di aur aqaamat kahi phir aapne Do rakat namaz zohar ki padhayi phir aqamat kahi aur do rakat namaz asr ki pad gayi dono ko jama karke padhaya.

Phir *Jae waqoof*  par tashreef laye kuch der wahin ruke,phir muzdalifa rawana ho gaye.

Wahan maghrib aur ishaa  ki namaz ek azaan aur do eqamat se padhiaur darmiyaan mein koi namaz na padhi.

Phir aap let gaye aur tuloo e fajr tak lete rahe subah tadke  uthke fajr ki namaz padhi,phir Mashare haraam aa gaye wahan  qibla rukh hokar dua takbeer wa tehleel k kalimaat kehte rahe yahan tak ki khoob ujala ho gaya...

Sawal: RasoolAllah salallahu alaihi wasallam ne kis cheez ko mazbooti se thamne  ki naseehat ki?

Comment kijiye